எங்களை தெரியலையா - எங்கள்
இசையை புரியலையா
திங்கள் ஒளியினில் துயில்வோரே - தினம்
சூரிய தீயினில் உழைப்போரே
இமயமும் குமரியும் அல்லாமல்
எங்கும் பரவி நிற்போம் - நாங்கள்
மனித இனத்திற்கென்றே
நாங்கள் புனைந்த கவிதையை
கண்டங்கள் ஐந்திலும்
பாடி நிற்போம்
ஜாதி மத இன பேதம் கடந்திட்ட
சத்திய புத்திரர்கள் - நாங்கள்
சரித்திர பின்னலின் சங்கமங்கள்
ஜாரென்னும் அரக்கனை வேரறுத்த
சம்மட்டி அரிவாள்கள் - நாங்கள்
இந்த சரித்திர நரம்பு மண்டல
மையத்தின்
தத்துவ மருத்துவர்கள்
பாசிச இட்லரின் கூலி படைகளை
பனிமலை மீதினில் வென்றவர்கள்
பாட்டாளி ஆட்சியை முதல் முதல் மண்ணில்
படைத்திட்ட புரட்சி விஞ்ஞானிகள்
ஆன்மபலம் உள்ள மானிடரே - எங்கள்
அணிவகுப்பை சற்று பாருங்கள்
அமெரிக்க ஆதிக்கம் பின் வாங்க
வியட்நாம் வென்றதை கூறுங்கள்
பூமியின் முகத்தை உழைப்பால் மாற்றிடும்
புரட்சி புயலின் சின்னங்களே
நம் போர் இன்னும் முடியவில்லை (5)
இந்த பூமி முழுவதும் விடியும் வரை.
No comments:
Post a Comment